ადგილი, სადაც ჯერ არ გივახშმიათ - იტალიის საპატიმროში რესტორანი გახსნეს
იტალიის ქალაქ ტურინში მდებარე Vallette-ს ციხეში რესტორანი Liberamensa გაიხსნა. ამის შესახებ რესტორანის საიტი იუწყება.
რესტორანი სტუმრებს კვირაში მხოლოდ ორი დღე მიიღებს, პარასკევისა და შაბათის საღამოს. დაწესებულებაში შესვლა მხოლოდ 20:00-დან 20:30-მდე შეიძლება.
Liberamensa-ში მაგიდის დასაჯავშნად აუცილებელია არა მხოლოდ სახელისა და გვარის, არამედ დაბადების ადგილისა და თარიღის შეტყობინება.
რესტორნის მთელი პერსონალი პატიმრებისგან შედგება. კერძების მომზადების დროს გამოიყენება ბოსტნეული, რომელიც ციხის ბოსტანში მოჰყავთ. პური ასევე ციხეში ცხვება. რესტორანის მენიუ ყოველ სამ კვირაში ერთხელ შეიცვლება.
Liberamensa-ს მეპატრონეები იმედოვნებენ, რომ რესტორანში მუშაობის დროს პატიმრების მიერ მიღებული პროფესიონალური უნარები მათ თავისუფლებაზე ცხოვრებისთვის ადაპტაციაში დაეხმარება.