ბრაზილიაში სკოლის მოსწავლემ ორი ბავშვი მოკლა, შვიდი კი დაჭრა
ბრაზილიის ქალაქ გოიანიაში მოზარდმა სკოლაში ცეცხლი გახსნა, რის შედეგადაც ორი ბავშვი დაიღუპა. ამის შესახებ ახალი ამბების პორტალი „Infobae“ იუწყება.
მომხდარის შედეგად, დაჭრილია სკოლის შვიდი მოსწავლე. მედიის ინფორმაციით, 13 წლის ბიჭმა ცეცხლი გახსნა იარაღით, რომელიც სამხედრო პოლიციაში დასაქმებულ მის მშობლებს ეკუთვნოდა.
ადგილზე პოლიცია მივიდა, რომელმაც მოზარდი უკვე დააკავა. სამხედრო პოლიციის პოლკოვნიკის, ანესიო ბარბოსის თქმით, მოზარდს სხვა ბავშვები ხშირად დასცინოდნენ. ამ დროისთვის მომხდარის ზუსტი მიზეზი არ სახელდება.