პოლონეთში უამინდობას სულ მცირე 5 ადამიანი ემსხვერპლა
პოლონეთში ძლიერ შტორმს მსხვერპლი მოჰყვა. ბოლო მონაცემებით, უამინდობას სულ მცირე 5 ადამიანი ემსხვერპლა, 30-ზე მეტი კი დაშავდა. დაღუპულთა შორის ორი არასრულწლოვანი გოგონაა, რომელთა კარავსაც ღამით ხე დაეცა.
ადგილობრივი მედიის ცნობით, დანარჩენი 3 ადამიანიც ხის დაცემის შედეგად გარდაიცვალა. ხელისუფლება მოსახლეობას სიფრთხილისკენ მოუწოდებს.
შტორმის შედეგად 170,000-ზე მეტი აბონენტი ელექტროენერგიის გარეშეა დარჩენილი, 800-მდე შენობა კი დაზიანებულია. ძლიერმა შტორმმა ძირითადად პოლონეთის ჩრდილოეთ და დასავლეთ რეგიონები დააზარალა.