ბარაქ ობამას თქმით, მთელი მსოფლიოს ბედი საფრთხის ქვეშაა
აშშ-ის პრეზიდენტმა ბარაქ ობამამ მოუწოდა დემოკრატიული პარტიის მხარდამჭერებს, საპრეზიდენტო არჩევნებზე მხარი ჰილარი კლინტონს დაუჭირონ და იქვე დასძინა, რომ აშშ-ის, ისევე როგორც მთელი მსოფლიოს ბედი საფრთხის ქვეშაა.
როგორც ბარაქ ობამამ ჩრდილოეთ კაროლინაში, დემოკრატიული პარტიის მხარდამჭერთა მიტინგზე განაცხადა, რესპუბლიკელი კანდიდატი დონალდ ტრამპი ადამიანის უფლებებისთვის საფრთხეს წარმოადგენს.
"რესპუბლიკის ბედი ახლა თქვენს ხელშია", - აღნიშნა ობამამ.
თავის მხრივ, დონალდ ტრამპმა, ფლორიდაში, მხარდამჭერებთან შეხვედრაზე განაცხადა, რომ ჰილარი კლინტონის გამარჯვება აშშ-ში საკონსტიტუციო კრიზისს გამოიწვევს.
აშშ-ში საპრეზიდენტო არჩევნები 8 ნოემბერს გაიმართება. ბოლო გამოკითხვების თანახმად, დონალდ ტრამპი დემოკრატიული პარტიის კანდიდატს ჰილარი კლინტონს 1%-ით უსწრებს.