ჰაკერები HBO-ს დირექტორისგან გამოსასყიდ თანხას მოითხოვენ
რამდენიმე დღის წინ, ჰაკერებმა "სამეფო კარის თამშების" ერთ-ერთი სერიის სცენარი HBO-ს სერვერიდან მოიპარეს. ამასთან, მათ "სამეფო კარის თამაშების" მეშვიდე სეზონის მეხუთე სერიის სცენარი, სტუდიის დოკუმენტები და სხვა სატელევიზიო შოუების ზოგიერთი ეპიზოდი ინტერნეტშიც გაავრცელეს.
ჰაკერებმა ელექტრონული წერილებიც გაასაჯაროვეს, რომელიც მსახიობებისა და სერიალეზე მომუშავე სხვა ადამიანების პერსონალურ ინფორმაციას შეიცავს.
მოგვიანებით, "ქურდებმა" განცხადება გაავრცელეს და გამოსასყიდი მოითხვეს. გამოსასყიდის მოთხოვნა ჰაკერებმა ვიდეომიმართვის საშუალებით გაავრცელეს, რომელიც HBO-ს დირექტორს რიჩარდ პლეპნერს ეძღვნება. მიმართვაში გამოსასყიდის თანხა არ არის მითითებული, თუმცა Associated Press-ის ინფორმაციით, საუბარი 6 მილიონ დოლარზეა.