ბითკოინით თქვენ ამ ქვეყნის მოქალაქეობის ყიდვა შეგიძლიათ
თუ თქვენ გაქვთ ბითკოინი და დედამიწაზე მდებარე სამოთხეზე ოცნებობთ? ახლა თქვენ შეგიძლიათ ის მეორე მოქალაქეობის მისაღებად გამოიყენოთ.
ვანუატუ, წყნარი ოკეანეს სამხრეთში 80 კუნძულისგან შემდგარი არქიპელაგი, უცხოელებს ინვესტირების ნაცვლად მოქალაქეობის მიღებას სთავაზობს. 280 ათასი დოლარის ექვივალენტის თანხის ინვესტირებისთვის 4-სულიან ოჯახს აქვს საშუალება გახდეს მოქალაქე ქვეყნის, რომელიც New Economics Foundation-ის მიერ ჩატარებული გამოკითხვის შედეგად, მსოფლიოში მეოთხე ყველაზე ბედნიერი ქვეყანა გახდა.
ხუთშაბათს ბითკოინის ფასმა რეკორდულ მაჩვენებელს, 5209 დოლარს მიაღწია და წლის დასაწყისთან შედარებით ხუთჯერ გაიზარდა. შესაბამისად, მთელი ოჯახისთვის მოქალაქეობის მიღებისთვის 53,8 ბითკოინი არის საჭირო.
ვანუატუ არაა ერთადერთი კუნძული, რომელიც ფულის სანაცვლოდ მოქალაქეობას სთავაზობს - ამ სიაში ასევე შედიან ანტიგუა, სენტ-კიტსი და ნევისი, გრენადა და მალტა. მაგრამ ვანუატუ გახდა პირველი ქვეყანა, ვინც ინვესტიციებს ბითკოინების სახითაც მიიღებს.
ვანუატუში არ არსებობს საშემოსავლო, სამემკვიდრეო და კორპორატიული გადასახადები. მსოფლიოს "ყველაზე ძლიერი პასპორტების" რეიტინგში 116 ქვეყნიდან ვანუატუ 34-ე ადგილს იკავებს.
წყარო: bloomberg.com