“ქართველი ერი უდიდესი საფრთხის წინაშეა!“ - რას წერს გოგა ჩანადირი დემოგრაფიული მდგომარეობის შესახებ
ფოტოგრაფი გოგა ჩანადირი ეხმაურება სტატისტიკის ეროვნული სამსახურის ახალ მონაცემებს, რომლის მიხედვითაც საქართველოში შობადობის რიცხვი კიდევ უფრო შემცირდა და გარდაცვლილტა რაოდენობა მკვეთრად აღემატება ცოცხლად დაბადებულთა რიცხვს.
“უდიდესი კატასტროფის წინაშე ვდგავართ: სტატისტიკის ეროვნული სამსახურის ბოლო მონაცემებით, საქართველოში 2025 წლის პირველ 6 თვეში (იანვარი-ივნისი) დაიბდა 17 719 ბავშვი, ხოლო გარდაიცვალა 22 718 ადამიანი.
წარმოგიდგენიათ? 5 ათასი ადამიანით მეტი გარდაიცვალა.
მკვეთრად შემცირდა შობადობა. ეს არის ერის კატასტროფა. დემოგრაფიული საფრთხე სახეზეა.
ამ მძიმე სტატისტიკას ემატება განქორწინების საგანგაშოდ მაღალი მაჩვენებელი. კერძოდ, 2025 წლის პირველ 6 თვეში რეგისტრირებულია 9 925 ქორწინება. აი, განქორწინების კი 6 456 შემთხვევა აღირიცხა.
სამწუხაროა, რომ მაღალია არასრულწლოვანთა სიკვდილიანობა უბედური შემთხვევების გამო.
დემოგრაფიული პრობლემის გამომწვევი მიზეზი მრავალია - ემიგრაცია, სოციალური პრობლემები, არასათანადო სოციალური პროგრამები, ბავშვთა დაცვის ძალიან დაბალი სტანდარტები და ხარისხი, მრავალშვილიანი ოჯახების არასკმარისი ხელშეწყობა და ასე შემდეგ.
ქართველი ერი უდიდესი საფრთხის წინაშეა. დემოგრაფიული პრობლემების გადაწყვეტა ერთ-ერთი უმთავრესი საკითხი უნდა იყოს მთელი სახელმწიფოსთვის, საზოგადოებისთვის, პოლიტიკოსებისთვის,“ - წერს გოგა ჩანადირი.
იხილეთ ასევე: