"ნაპოლიმ" მორიგი სკუდეტო მოიპოვა - მიიღებს თუ არა ხვიჩა კვარაცხელია იტალიის ჩემპიონის მედალს?
სერია A-ს ბოლო ტურში "ნაპოლიმ“ საკუთარ მოედანზე "კალიარი“ 2:0 დაამარცხა და მეოთხედ მოიპოვა სკუდეტო.
გოლები მაკტომინეიმ და ლუკაკუმ გაიტანეს და სტადიონსა და ქალაქში საჩემპიონო ზეიმი დაიწყო.
პარალელურ მატჩში "ინტერმა“ სტუმრად "კომოს“ 2:0 სძლია და ვერცხლის მედლებს დასჯერდა.
მოგეხსენებათ, "ნაპოლიში" ხვიჩა კვარაცხელიამ ნახევარი სეზონი გაატარა და ამ წარმატებაში მისი დიდი წვლილიც არის.
შესაბამისად ბევრი მითქმა-მოთქმაა იმაზე, "კვარას" უნდა გადაეცეს თუ არა საჩემპიონო მედალი?
ბოლო ინფორმაციით, ის ხვიჩა კვარაცხელია, რომელიც ამ სეზონში უკვე გახდა საფრანგეთის ჩემპიონი, იტალიის ჩემპიონად ვერ გამოცხადდება, შესაბამისად, კვარაცხელიას ოქროს მედალს არ გადასცემენ, რადგან რეგლამენტის მიხედვით, ფეხბურთელი მოცემულ მომენტში გუნდის წევრი უნდა იყოს.
ადრე ნეაპოლურმა მედიამ გაავრცელა ინფორმაცია, რომ "კვარასთვის“ მედლის გადაცემა "ნაპოლიზე“ იყო დამოკიდებული.
მოგეხსენებათ, ხვიჩა კვარაცხელიას გუნდი პსჟ 31 მაისს, სწორედ იტალიურ "ინტერს" დაუპირისპირდება ჩემპიონთა ლიგის ფინალში.