7 ნიშანი, რომ საკმარისი რაოდენობის წყალს არ სვამ - როგორია სწორი რაოდენობა და რამდენი ლიტრი წყალი უნდა დავლიოთ დღეში
წყალი სიცოცხლის წყაროა — და ეს სულაც არ არის მხოლოდ ლამაზი ფრაზა. ჩვენი სხეულის 60%-ზე მეტი წყლისგან შედგება, და თუნდაც მცირე დეფიციტი გავლენას ახდენს მეხსიერებაზე, განწყობაზე, კანის მდგომარეობაზე და ჯანმრთელობაზე ზოგადად.
მაგრამ როგორ გავიგოთ, გვყოფნის თუ არა წყალი ყოველდღიურ რეჟიმში?
გთავაზობთ 7 გავრცელებულ ნიშანს, რომლებიც მიგანიშნებს იმაზე, რომ შეიძლება ნაკლებ რაოდენობას სვამ, ვიდრე გჭირდება.
მუდმივი დაღლილობა და ენერგიის დაქვეითება
შენ შეგიძლია კარგად იძინო, ჯანსაღად იკვებო — მაგრამ მაინც გქონდეს დაღლილობის შეგრძნება ყოველ დილით. დეჰიდრატაციის დროს სისხლის ნაკადი ნელდება, ტვინი და სხეული იღებს ნაკლებ ჟანგბადს და შედეგად – ენერგიის დონე იკლებს.
ყურადღების კონცენტრაციის პრობლემები
წყლის ნაკლებობა უშუალოდ მოქმედებს კოგნიტიურ ფუნქციებზე. გაწუხებს მეხსიერება, დაბნეულობა, გაღიზიანება? შესაძლოა პრობლემა სულაც არ იყოს გადატვირთვა, არამედ... უბრალო წყლის დეფიციტი.
მშრალი კანი და დამსკდარი ტუჩები
თუ კანი კარგავს ელასტიკურობას და ტუჩები ხშირად გისკდება — ეს შესაძლოა მხოლოდ კოსმეტიკური პრობლემა არ იყოს. შიგნიდან დალეული წყალი გაცილებით ეფექტურად ატენიანებს ორგანიზმს, ვიდრე გარედან გამოყენებული მალამოები.
მუქი ფერის შარდი
ჯანმრთელი ადამიანის შარდი უნდა იყოს ღია ყვითელი ან თითქმის უფერული. თუ ის მუქი ფერისაა, განსაკუთრებით დილით — ეს სერიოზული სიგნალია, რომ სითხე არ გყოფნის.
მუდმივი მადა ან შიმშილის შეგრძნება
ზოგჯერ გგონია, რომ გშია, მაგრამ სინამდვილეში ორგანიზმს სითხე აკლია. ტვინი ვერ ასხვავებს წყურვილს და შიმშილს. სცადე დალიო ერთი ჭიქა წყალი – და შესაძლოა "მადა" უკვალოდ გაქრეს.
თავის ტკივილი
დეჰიდრატაცია იწვევს ტვინის გარსების გაღიზიანებას, რაც თავის ტკივილის ერთ-ერთი ხშირი მიზეზია. ეს განსაკუთრებით აშკარა ხდება ცხელ ამინდში ან დიდი ფიზიკური დატვირთვის შემდეგ.
ყაბზობა და მონელების პრობლემებისითხის ნაკლებობა ანელებს მონელებას და აფერხებს ნაწლავების მუშაობას. თუ საჭმლის შემდეგ გაწუხებს სიმძიმე, ფაღარათი ან ყაბზობა – იფიქრე წყლის დონის მომატებაზე. იხილეთ სრულად