რა არის ცნობილი მომღერალზე, რომელიც წელს, საქართველოს "ევროვიზიაზე" წარადგენს და ვინ არის მისი სპორტსმენი შეყვარებული?
რიგით 69-ე ევროვიზიის სიმღერის კონკურსს შვეიცარია უმასპინძლებს. ევროპის ყველაზე მასშტაბურ მუსიკალურ ფესტივალზე, რომელსაც ყოველწლიურად 200 მილიონამდე მაყურებელი ადევნებს თვალს, საქართველო უკვე მეჩვიდმეტედ მიიღებს მონაწილეობას. კითხვაზე-ვინ წარდსგება წელს საქართველოს სახელით, ოფიციალურ ინფორმაციას პირველი არხი 15 მარტამდე გაავრცელებს.
მომღერალ თათია კობალაძის ინფორმაციით გადაწყვეტილება მიღებულია, კანდიდატი არჩეულია და ის მარიამ შენგელიაა.
მარიამი, პირველად 2018 წელს x ფაქტორში გამოჩნდა, ბოლო წლებია შენგელიას თავისი ბენდი, სახელად "მიქსტურა“ ჰყავს, რომელიც, ძირითადად, ცნობილი სიმღერების ქავერებს ასრულებს
მომღერალი ქართული ოცნების“ წინასაარჩევნო მხარდამჭერ კონცერტებში აქტიურად ჩაერთო და არჩევნების შემდეგ ქვეყანაში მიმდინარე პროტესტის ფონზე იმ მომღერლებს შორის, ვისაც აქციის მონაწილეების მიმართ მხარდაჭერა არ გამოუხატავს, რის გამოც მას სოციალურ ქსელებში ხელისუფლების ფავორიტ მომღერლად მოიხსენიებენ.
ევროვიზიის მეორე ნახევარფინალში საქართველოს წარმომადგენელი , 15 მაისს იმღერებს.
საკონკურსო სიმღერა ჰქონდა გაგზავნილი თათია კობალაძესაც, რომელიც ბოლო თვეებია სიმსივნეს ებრძვის, კომპოზიტორმა მაიკო კაჭკაჭიშვილმა კი სიმღერა სპეციალურად მისთვის და ამ კონკურისთვის დაწერა.
საქართველოს წარდგენისთვის იბრძოდა შტატებში მცხოვრები ქართველი შემსრულებელი ნინი ბრეგვაძეც.
ევროვიზია 2025 წელს 13, 15 და 17 მაისს გაიმართება.საქართველომ საუკეთესო შედეგი 2010 და 2011 წლებში მიაღწია.