"ღამის შოუს" ბენდი 30 000, ნიკვაშვილის ორკესტრი 40 000, თიკა ჯამბურია და ირინა ბაირამაშვილი 13 100 - ვის რამდენს გადაუხდიან თბილისის საახალწლო კონცერტში მონაწილეობისთვის
წინასაახალწლოდ მთავრობის მიერ დაფინანსებულ მიმდინარე და დაგეგმილ საახალწლო კონცერტებზე ambebi.ge-ზე რამდენიმე სტატია გამოაქვეყნეთ. შეგახსენებთ, რომ წლევანდელი წელი განსხვავებულია და რუსთაველზე მიმდინარე საპროტესტო აქციების გამო, მომღერლების დიდი ნაწილი უარს აცხადებს მონაწილეობაზე.
ეს დღეები ბევრს საუბრობდნენ თუ რა ბედი ეწეოდა 31 დეკემბრის ღამის გრანდიოზულ კონცერტს. მისი ჩატარება პირველ რიგში კითხვის ნიშნის ქვეშ იმიტომ დადგა, რომ საზოგადოების ნაწილს არ ეგონა, რომ თბილისის მერია შეკრებდა მომღერლების იმ რაოდენობას, რომლებიც კონცერტზე გამოსვლას თანხმდებოდნენ.თბილისის მერიამ საახალწლო ღონისძიების გასამართად თბილისის მერიამ შპს ქეი ივენთს ხელშეკრულება გაუფორმა. დოკუმენტის მიხედვით, ღონისძიებები, რომლებიც თბილისში ორბელიანის მოედანსა და დედაენის ბაღშია დაანონსებული 875 112 ლარი ჯდება.
თბილისის მერია იტოვებს უფლებას ხელშეკრულების ძალაში შესვლის შემდგომ მიმწოდებელთან შეთანხმებით შეცვალოს ან დააზუსტოს მომსახურების გაწევის ზუსტი თარიღი, დრო და ადგილი, - ვკითხულობთ ხელშეკრულებაში.
მომღერლების სია კი, რომელიც ხელშეკრულებაშია მითითებული შთამბეჭდავია. მათ უდიდეს ნაწილს საზოგადოება კარგად იცნობს და ბევრის ამ სიაში აღმოჩენა, აქციის მონაწილეებისთვის სიურპრიზი აღმოჩნდა.
მათ შორის არის თიკა ჯამბურია, რომელიც ბენდთან და ირინა ბაირამაშვილთან იმღერებს და ერთ კონცერტში შემსრულებლებს 13 100 ლარს გადაუხდიან.
"რეზო და ბავშვების" ჰონორარი 15 ათას ლარს შეადგენს. ისინი ორ კონცერტზე გამოვლენ, რისთვისაც 30 ათას ლარს აიღებენ. დანარჩენი მომღერლების სია, რომლებმაც არჩევანი მერიის კონცერტებზე გააკეთეს, ასეთია
- ანსამბლი „ჰერიო“ - 8500 ლარი;
- "ღამის შოუს" ბენდი და წამყვანის ჰონორარი - 30 000 ლარი;
- „ელიტ ბენდი“ - 5000 ლარი;
- ანსამბლი „გორდელა“ - 15 000 ლარი;
- Posutuve Band - 8000 ლარი;
- ანსამბლი „რუსთავი“ - 15 000 ლარი;
- „ელის ბენდი“ - 6000 ლარი;
- ჯგუფი „ბანი“ - 15 000 ლარი;
- „ნანოს ბენდი“ - 8000 ლარი;
- Latino Boys - 7000 ლარი;
- კვარტეტი „ვივო“ - 2500 ლარი;
- „ზუკას ბენდი“ - 9000 ლარი;
- ჯგუფი „ურსა“ - 46 460 ლარი;
- „თბილისური კვარტეტი“ - 6000 ლარი;
- ჯგუფი Reggaeon - 25 500 ლარი;
- Goofy Land - 30 000 ლარი;
- ჯგუფი „მიქსტურა“ - 15 000 ლარი;
- ჯგუფი „ქუჩის ბიჭები“ - 15 000 ლარი;