"ბარსელონა და პსჟ? რა თქმა უნდა, არის შემოთავაზებები..." - დარჩება თუ არა "ნაპოლში" კვარა: რას აცხადებს ხვიჩა კავარცხელიას მამა
ფაბრიციო რომანო სოციალურ ქსელებში ხვიჩა კვარაცხელიას მამის, ბადრის განცხადებას ავრცელებს:
"ჩემი აზრით, ხვიჩა მომავალ სეზონშიც "ნაპოლიში" დარჩენას აირჩევს, თუმცა ამ გადაწყვეტილების მიღება მხოლოდ მას შეუძლია. დარჩება თუ არა ნეაპოლში, მე მის ყველა გადაწყვეტილებას პატივს ვცემ".
გავრცელებული ინფორმაციის თანახმად, ქართველი ფეხბურთელის გადაბირება ევროპულ გუნდებს სურთ, მათ შორის "ბარსელონასაც". ხვიჩა კვარაცხელიას აგენტის, მამუკა ჯუღელის განცხადებით კი, ყველაფერი მაისში გახდება ცნობილი: "ბარსელონა და პსჟ? რა თქმა უნდა, არის შემოთავაზებები საუკეთესო ევროპული კლუბებიდან, ბოლოს და ბოლოს, როგორ არ უნდა იყოს?! მაისში ყველაფერი გაირკვევა“, - ამბობს მამუკა ჯუღელი.