"გოგონას და მამამისს ცუდი ურთიერთობა ჰქონდათ, ვერ იტანდა..." - რას აცხადებს მამის მიერ გაუპატიურებული 13 წლის მოზარდის ბებია?
13 წლის შვილის გაუპატიურების ბრალდებით ბათუმში მამა დააკავეს. გოგონას ბებია "რუსთავი 2" - თან საუბარში აცხადებს, რომ მას არ სჯერა, რომ მამამ შვილზე ამგვარად იძალადა.
"დარწმუნებული ვარ, არ არსებობს ასეთი რამ. ჩხუბისგან სულ გოგონებს იცავდა, სულ ჩხუბობდა. წარმოიდგინეთ, თავის შვილს შეურაცხყოფას მიაყენებდა? მაგას და მამამისს ცუდი ურთიერთობა ჰქონდათ, ეგ ვერ იტანდა, მამამისი რომ სუნავდა აცეტონს და რაღაცას" - აცხადებს ბებია.
მომხდარზე გამოძიება "სისხლის სამართლის კოდექსის“ 137-ე მუხლით მიმდინარეობს, რაც გაუპატიურებას გულისხმობს. არსებული ინფორმაციით, ბრალდებული წარსულში ნასამართლევია.
არასამთავრობო ორგანიზაცია “იალქანში" აცხადებენ, რომ მოზარდს ექსპერტიზა თბილისში უტარდება. როგორც ორგანიზაციის ხელმძღვანელი თიკო აბაშიძე ამბობს, მომხდარის შესახებ გოგონამ მეგობარს უამბო, რის შემდეგაც შინაგან საქმეთა სამინისტროს აცნობეს. თიკო აბაშიძის თქმით, 13 წლის გოგონა ბებიასთან ერთად ცხოვრობდა