დემნას მორიგი ოტ-კუტიურ კოლექცია - ელეგანტური კაბები, წვეტიანი ფეხსაცმელი, ჯინსის შარვლები და ქართული 90-იანების გამოძახილი მოდელების ვარცხნილობასა და სილუეტში
დემნამ მაღალი მოდის კოლექციას კიდევ ერთი შოუ შესძინა. პარიზში Balenciaga-ს ოტ-კუტიურ კოლექციის ჩვენება გაიმართა. არც ეს შოუ იყო გამონაკლისი და ფრანგული მოდის სახლის ქართველმა კრეატიულმა დირექტორმა მისთვის არადამახასიათებელ ნამუშევრებთან ერთად, ისეთებიც წარმოგვიდგინა, რომლის შეხედვისთანავე იტყოდით - "ეს ნამდვილად დემნას ხელწერაა".
ჩვენება ოპერის არიების თანხლებით მიმდინარეობდა. ნამუშევრებში გამოიკვეთა რამდენიმე შტრიხი, მათ შორის განსაკუთრებით თვალშისაცემი იყო მასიური ყელსაბამები და წვეტიანი ფეხსაცმელი, თუმცა ეს არ არის სტანდარტული წვეტიანი ფეხსაცმელი, როგორიც 90-იანი წლებიდან გვახსოვს, მისი ზომა, როგორც ფოტოზე ხედავთ, გრანდიოზულია.
90-იანი წლების თბილისურ მოდას გაგახსენებთ ასევე ჯინსის შარვლები და მთავარი დეტალი - ვარცხნილობა.
დემნას ახალი ნამუშევრებში ასევე ნახავდით ჰოლივუდურ და ვარსკვლავურ სტილს - წითელ, ვარდისფერ, მბრწყინავი დეტალებით გაფორმებულ კაბებს. იხილეთ სრულად