დაძინებამდე რამდენი საათით ადრე უნდა შეწყვიტოთ სოციალური ქსელებით სარგებლობა?
დიუკისა და იელის უნივერსიტეტის მეცნიერებმა აღმოაჩინეს მიზეზობრივი კავშირი საღამოს სოციალური მედიის გამოყენებასა და ძილის ცუდ ხარისხს შორის.კვლევა გამოქვეყნებულია ჟურნალში Sleep Medicine.
მთლიანობაში, მეცნიერებმა გააანალიზეს 15 წლის განმავლობაში საიტის 44 ათასი მომხმარებლის მიერ გაკეთებული 120 მილიონი შეტყობინება. მათ დაადგინეს, რომ თუ მომხმარებელი განათავსებდა საიტზე შეტყობინებას დაძინებამდე დაახლოებით ერთი საათით ადრე, ისინი ბევრად უფრო გვიან იძინებენ, ვიდრე ჩვეულებრივ. საშუალოდ, ჩაძინების დრო ერთი-სამი საათით იგვიანებდა.
მკვლევარები ვარაუდობენ, რომ დოფამინის დონის მატებამ საიტის სხვა მომხმარებლების პასუხის მოლოდინის გამო, შესაძლოა გაართულოს მოდუნება და დაძინება. წინა კვლევებმა აჩვენა, რომ დოფამინის დონის მატება ხელს უწყობს ფსიქიკურ სიფხიზლეს და აქტივობას.
ასევე, მეცნიერთა სხვა ჯგუფების ექსპერიმენტებმა აჩვენა, რომ ლურჯი სხივის ზემოქმედებამ, რომელიც მოდის ტელეფონების და პლანშეტური კომპიუტერების ეკრანებიდან, შეიძლება გამოიწვიოს ძილის პრობლემები, რადგან ეს ხელს უშლის მელატონინის გამომუშავებას.