თბილისის მერის ფეხსაცმელი სხვადასხვა ფერის თასმებით: რა ღირს კედები, რომლის გამოც მერის სტილს კვლავ განიხილავენ
"ფეისბუქში" დედაქალაქის მერიის ოფიციალურ გვერდზე გამოაქვეყნეს ერთწუთიანი ვიდეო, რომელიც მერიის ინიციატივაზე გვიყვება. უკვე რამდენიმე დღეა, თბილისის მერიის სერვის ცენტრებში A კატეგორიის ტაქსებისთვის ავტობუსის ზოლში მოძრაობისთვის განკუთვნილი სტიკერებისა და საბანკო გადახდებისთვის განკუთვნილი QR კოდების გაცემა დაიწყო. სწორედ ამ თემის შესახებ არის ვიდეორგოლიც.
ვიდეოში ჩანს, რომ დედაქალაქის მერი პირადად ურიგებს ტაქსის მძღოლებს QR კოდების სტიკერებს. ალბათ, არაფერი იქნებოდა განსაკუთრებული რომ არა ერთი კადრი, სადაც კალაძე სრულად ჩანს და როგორც თავადაც ხედავთ, ფეხსაცმელზე სხვადასხვა ფერის თასმები უკეთია.
მერის ჩაცმულობა ხშირად ექცევა საზოგადოების ყურადღების ცენტრში. ამჯერად, სოციალურ ქსელში იმას განიხილავდნენ სხვადასხვა ფეხსაცმელი ეცვა თუ მხოლოდ თასმების ფერში იყო განსხვავება.
კახა კალაძეს ფოტოები, სადაც სხვადასხვა ფერის თასმებიანი ფეხსაცმელი აცვია "ინსტაგრამის" სთორებშიც აქვს გამოქვეყნებული. დედაქალაქის მერს x Travis Scott Air Jordan 1 Low sneakers აცვია, რომლის ღირებულებაც ამჟამად 3033 დოლარია.
რაც შეეხება ვარდისფერ თასმებს, როგორც ფოტოდან ჩანს, ფეხსაცმელს, მეორე ფერის სათადარიგო თასმები მოყვება.
წყარო: ambebi.ge