ვინ არის უკრაინაში დაღუპული 29 წლის ქართველი მებრძოლი?
უკრაინაში დაღუპული ქართველი 29 წლის მიხეილ მაზანაშვილია. როგორც ცნობილია, ქართველი მებრძოლი ყველაზე ცხელ წერტილში, ბახმუტთან შეტაკებას ემსხვერპლა. მაზანაშვილი გორის მუნიციპალიტეტის სოფელ ზერტიდანაა.
"ჩემი ბიძაშვილია, ერთად გაზრდილები ვართ.ერთი წლის უკან წავიდა უკრაინაში. იქ ბრძოლობდა, იქ იყო, მეუღლე იქ შეირთო, იქაური ცოლი მოიყვანა, იქ ცხოვრობდა. ხვალ დაბადების დღე აქვს ცხონებულს. გუშინ გაგგვაგებინეს, რომ ეს ტრაგედია მოხდა ახლა 8 წელი იმსახურა თავდაცვაში.
ჩვეულებრივ მოტივაციაზე იყო, პატრიოტი ადამიანი იყო. სამშობლოს სიყვარულით იყო წასული. აქ უნდა გადმოასვენონ, რადგან აქ არიან მისი წინაპრები დაკრძალული" - ამბობს გარდაცვლილის ნათესავი "ტვ პირველთან" საუბრისას.