"ჩემი აზრით, გიორგი ვაშაძე რეჟიმის მოკავშირეა" - რას პასუხობს ნინო ლომჯარიას ამ ბრალდებას ვაშაძე?
"ჩემი აზრით, გიორგი ვაშაძე რეჟიმის მოკავშირეა. ეს არ ნიშნავს, რომ პარლამენტის წინ რაც მოხდა კანონიერია...“ - წერს ყოფილი სახალხო დამცველი ნინო ლომჯარია სოციალურ ქსელში.
ნინო ლომჯარიას განცხადებას გიორგი ვაშაძე გამოეხმაურა.
"დარბევა დაიწყეს მათ და მე ნინოსაც მოვუწოდებ და სხვებსაც, რომ კარგად გაიაზრეთ, როდესაც ასეთ უსამართლო განცხადებებთ აკეთებთ. ჩვენ ყველა ერთად უნდა ვიდგეთ, ვებრძვით რუსულ რეჟიმს, რომელსაც უნდა, რომ საქართველო დაუქვემდებაროს რუსეთს. ნუ გვაქვს ხოლმე რაღაც უეცარი აღტკინებები. არცერთ შემთხვევაში მე ამას არ ვუპასუხებ, ყველამ კარგად გავიაზროთ - ეს მოთხოვნა, რომელიც იყო დაყენებული, რომ უკან იყოს გათხოვნილი კანონი, არის დღესაც. შეხედეთ, ხალხი აქ დგას - რატომ ესვრიან ცრემლსადენ გაზებს? რატომ იყენებენ ძალას? ამაზე უნდა მოვთხოვოთბ პასუხი ხელისუფლებას და ჩვენს ერთიანობას აქვს გადამწყვეტი მნიშვნელობა.
მე რაც გავაჟღერე, იყო ყველა ოპოზიციურ პარტიასთან გავლილი და ყველასთან შეთანხმებული. ეს იყო საერთო პოზიცია და ამას ხალხმა მხარი დაუჭირა. ამბობს ფორმულასთან ინტერვიუში სტრატეგია აღმაშენებლის ლიდერი, გიორგი ვაშაძე".
შეგახსენებთ, რომ რამდენიმე საათის წინ გიორგი ვაშაძემ რუსთაველის გამზირზე მიმდინარე აქციაზე ხელისუფლებას ერთსაათიანი ულტიმატუმი მისცა, რათა კანონი უცხოელი აგენტების შესახებ უკან გამოეწვიათ და გუშინ აქციაზე დაკავებული დემონსტრანტები გაეთავისუფლებინათ. ულტიმატუმის ვადის გასვლის შემდეგ კი, გადაწყვიტეს, რომ აქციის მონაწილეებს პარლამენტის შენობა ალყაში მოექციათ, რასაც სამართალდამცავთან დაპირისპირება მოჰყვა. ხელისუფლებამ კვლავ აქციის ძალის გამოყენებით დაშლა გადაწყვიტა. მათ წყლის ჭავლის და ცრემლსადენი გაზის გამოყენებით დაშალეს პროტესტანტები, თუმცა ახალგაზრდობა არ წყვეტს ბრძოლას და პროტესტს აგრძელებს.