"25 ათასი მოჰქონდა მანქანით, გზაში ის ქალი დახვდა, თავი გაუჩეჩქვა, ორმოში ჩააგდო და მისი ჩანთა გაიტაცა" - ხობში მომხდარი მკვლელობის ახალი დეტალები
ხობის მუნიციპალიტეტში, სოფელ ხამისკურთან მომხდარი სასტიკი მკვლელობის შესახებ ახალ დეტალები ხდება ცნობილი. "ტვ პირველის" ცნობით, 49 წლის ხათუნა ლაზარია სიკვდილისთვის 25 000 ლარის გამო გაიმეტეს.
მოკლულის ოჯახი ამტკიცებს, რომ ბიზნესმენი, რომელმაც მეგობარს საკუთარ მანქანაში თავში ქვა ჩაარტყა, სავარაუდოდ, ფულს ედავებოდა. ერთ-ერთი ვერსიით, ხობის ტყეში ლაზარიაც და ზ.უ-ც მარტო იმყოფებოდნენ, სასიკვდილო დაზიანებების მიყენების შემდეგ კი ზ.უ-მ ხათუნა ლაზარია მანქანიდან გადმოაგდო, თხრილში ჩააგდო და დანაშაულის ადგილიდან მიიმალა."ფიცრებს აბარებდა-ხოლმე, 25 ათასი ლარი მოჰქონდა, თავისი მანქანით მოდიოდა, გზაში ის ქალი დახვდა, თავი გაუჩეჩქვა, ორმოში ჩააგდო და ამისი ჩანთა გაიტაცაო... ტყეში დაიჭირეს" - აღნიშნავენ მოკლული ქალის ახლობლები.
რაც შეეხება მკვლელობაში ბრალდებულს, ტელეკომპანიის ინფორმაციით, ზ.უ. ბიზნესმენია. 31 წლის ქალი 2020 წელს დაფუძნებული ორი კომპანიის საკონტროლო პაკეტის მფლობელია.
როგორც Ambebi.ge-ს ხამისკურის მაცხოვრებელი უყვება, არც გარდაცვლილი და არც მკვლელი ადგილობრივი არაა. მისი თქმით, მოკლული ქალის ცხედარი სოფლის მაცხოვრებელმა კაცმა მეორეხარისხოვან გზაზე, ტყესთან ახლოს იპოვა.
შსს-მ მომხდარზე გამოძიება სსკ-ის 108-ე მუხლით დაიწყო, რაც განზრახ მკვლელობას გულისხმობს.