"არ მეგულება ვინმე, ვინც მასზე ცუდს იტყვის" - რას ჰყვებიან აღაიანში ავტოავარიისას დაღუპულ ახალგაზრდა ქალზე?
კასპის რაიონის სოფელ აღაიანთან გუშინ ავარია მოხდა. სამწუხაროდ, ადგილზე გარდაიცვალა საჭესთან მყოფი ახალგაზრდა, სიცოცხლით სავსე გოგონა - ბელა მცხვეთაძე. სიკვდილს გადაურჩა მასთან ერთად მანქანაში მყოფი მეორე მგზავრი. არსებული ინფორმაციით, მძღოლმა საჭე ვერ დაიმორჩილა და ჯებირს შეეჯახა. შეჯახება იმდენად ძლიერი იყო, რომ გოგონა ადგილზე დაიღუპა.
ბელა მცხვეთაძე კასპის რაიონის სოფელ სამთავისის მაცხოვრებელია. შემთხვევის ადგილზე დიდხანს მუშაობდნენ კრიმინალისტები და გამომძიებლები. მომხდარზე გამოძიება უკვე დაიწყო და ტრაგედიის გამომწვევ მიზეზებს სამართალდამცველები დაადგენენ. ბელა მცხვეთაძის ცხედარი ჯერ ექსპერტიზაზე გადაასვენეს, შემდეგ კი - მშობლიურ სოფელში, სამთავისში მიასვენეს.
ბელა მცხვეთაძე თავდაცვის სამინისტროში, ავიაციაში მსახურობდა და მახათაზე არსებულ სამხედრო ნაწილში იყო. ძალიან უჭირთ წარსულ დროში მასზე საუბარი მის მეგობრებს. ცრემლებს ვერ იკავებდა მისი მეგობარი ნათია მაღალფერიძე. ტირილით მითხრა, ძალიან მიჭირს, ბელა ჩემი საყვარელი მეგობარი იყოო...
"ბელა საოცრად კარგი ადამიანი იყო და თავზარდამცემია, რაც მოხდა. ჩვენ ერთმანეთი წლების წინ გავიცანით, მაშინ ბელა და მე სამხედრო სამსახურში მივედით. სანამ კონტრაქტს გავაფორმებდით, კარანტინის გავლა ერთად მოგვიხდა, იქ გავიცანით ერთმანეთი და ერთ ოცეულში ვიყავით. ის იყო საოცარი სულის ადამიანი, სიცოცხლით სავსე გოგონა, ძალიან ბედნიერი, უამრავ სითბოსა და სიყვარულს აფრქვევდა. არასოდეს არავისთვის გული რომ არ უტკენია, ისეთი იყო ბელა, მართლაც ძალიან მაგარი ადამიანი და არ მეგულება ვინმე, ვინც მასზე ცუდს იტყვის. ის იყო გოგო - პოზიტივი, ხალისიანი, დიდი მიზნებით. კონტრაქტით ვიყავით ჯარში და ბელა გორში გადიოდა ენის კურსებს. უნიჭიერესი იყო და ოფიცრობაზე ჩაბარებას აპირებდა. დიდი გეგმები ჰქონდა და - დიდი მომავალიც. ვერ ვიჯერებ, რომ ბელა ჩვენ გვერდით არ იქნება.
ერთი შვილი ჰყავს, 15 წლის ბიჭი. მომიყვა, წლების წინ მეორე ბავშვზე რომ დარჩა ფეხმძიმედ, თურმე, ისე ცუდად გახდა, ძლივს გადაარჩინეს წაიკითხეთ ვრცლად