ქუთაისში, „საქართველოს ბანკის“ ფილიალიდან მძევლები გათავისუფლდნენ
„საქართველოს ბანკის“ ქუთაისის ფილიალიდან მძევლები გაათავისუფლეს.
არსებული ინფორმაციით, შენობა ყველა პირმა დატოვა. ასევე ვრცელდება ინფორმაცია, რომ სამართალდამცველებმა შეიარაღებული პირის დაკავება მოახერხეს.
ადგილზე ცოტა ხნის წინ გასროლის ხმაც გაისმა, თუმცა უცნობია, ვის მიერ მოხდა გასროლა.
ადგილზე ტერიტორია ყვითელი ლენტით არის შემოსაზღვრული და სამართალდამცველთა განსაკუთრებული მობილიზებაა.