ედინბურგულ პიცერიაში კლიენტებს ხვიჩა კვარაცხელიას სახელობის პიცას სთავაზობენ
დღეს ჩემპიონთა ლიგის მეორე ტურში "ნაპოლი" გლაზგოში "რეინჯერსს" დაუპირისპირდება. ნეაპოლური გუნდი 13 სექტემებერს საღამოს ჩავიდა დანიშნულების ადგილზე.
მატჩის წინა პრესკონფერენციაზე "რეინჯერსის" მწვრთნელს ჯოვანი ვან ბრონხორსტს ჰკითხეს, - როგორ აპირებს ხვიჩა კვარაცხელიას შეჩერებას?
"რთულად წარმოსათქმელი გვარია. ის ძლიერი, სწრაფი ფეხბურთელია, მის გასანეიტრალებლად დიდი ყურადღება უნდა გავამახვილოთ, რადგან განსაკუთრებულია", - უპასუხა მან.
სოციალურ ქსელში ვრცელდება ინფორმაცია, რომ შოტლანდიის დედაქალაქ ედინბურგში არსებული პიცერია pizzeria1926 ჩემპიონთა ლიგის თამაშის წინ, კლიენტებს სპეციალურ პიცებს სთავაზობს, "ნაპოლის" ფეხბურთელების სახელებით: "კვარაცხელია 77", "კიმი მინ-ჯაე 3".
"ჩემპიონთა ლიგის გმირობები იმსახურებს სპეციალურ შეთავაზებას" , - ვკითხულობთ პიცერიის "ინსტაგრამგვერდზე".
იქვე გამოქვეყნებულია პიცის შემადგენლობაც:
Kvaratskhelia 77 - Mozzarella, asparagus, basil, guanciale and smoked burrata - მოცარელე, სატაცური, ბაზილიკი, guanciale - შებოლილი ბეკონი, შებოლილი ბურატა.
MinJae 3 - Tomato, mozzarella, basil, roast potatoes and meatballs - პომიდორი, მოცარელა, ბაზილიკი, შემწვარი კარტოფილი და ფრიკადელკა.
როგორც "ინსტაგრამგვერდიდან" ირკვევა, პიცერიის მეპატრონე "ნაპოლის" თავგადაკლული ფანია.
ambebi.ge