რა არის ცნობილი ახალ ვირუსულ ინფექციაზე, რომელსაც "პომიდვრის გრიპს" უწოდებენ - რამდენად გადამდებია, არის თუ არა სიცოცხლისთვის საშიში და რა სიმპტომები ახასიათებს?
ინდოეთში ახალი ვირუსული ინფექცია გავრცელდა, რომელსაც "პომიდვრის გრიპს" უწოდებენ. ვირუსი თავდაპირველად ბავშვებში მიმდინარე წლის მაისში გამოვლინდა, თუმცა ახლა მისმა გავრცელებამ მასობრივი სახე მიიღო.
ვირუსი ამ დრომდე კვლევისა და სესწავლის საგანია და მეცნიერებს ჯერჯერობით მისი ბუნების შესახებ ზუსტი მონაცემები არ აქვთ. კვლევის წინასწარი შედეგი კი ჟურნალში - Lancet Respiratory Medicine გამოქვეყნდა.
მათი ინფორმაციის თანახმად, 26 ივლისის მდგომარეობით კერალაში აღნიშნული ვირუსის დიაგნოზი დაუსვეს 82 ბავშვს. შემთხვევები გამოვლინდა მეზობელ თამილ ნადუს შტატში, სადაც დაინფიცირდნენ ცხრა წლამდე ასაკის ბავშვები, მიუხედავად იმისა, რომ ეს ვირუსი უფრო მეტად ვლინდება ხუთ წლამდე ბავშვებში.
მას "პომიდვრის ვირუსად" მოიხსენიებენ, რადგანაც ახასიათებს სხეულზე წითელი ბუშტუკების გაჩენა, რომელიც მტკივნეულია. ეპიდემიოლოგების თქმით, ვირუსი ძალიან გადამდებია. განსაკუთრებით დაუცველები მის მიმართ ბავშვები არიან. ის გადადის ვირუსით დაბინძურებულ ზედაპირთან შეხებით.
"იშვიათი ვირუსული ინფექცია სიცოცხლისთვის არასაშიშად ითვლება, თუმცა კოვიდ-19-ის პანდემიის საშინელი გამოცდილება გვაიძულებს რომ უფრო სიფრთხილით მოვეკიდოთ მას და სიფრთხილით ვმართოთ, რათა თავიდან ავირიდოთ შემდგომი გავრცელება“, - ნათქვამია "ლანცეტის“ მიერ გამოქვეყნებულ სტატიაში.
ექიმები ამბობენ, რომ "პომიდვრის გრიპის“ დიაგნოსტირება რთულია, რადგანაც სიმპტომებით ძალიან ჰგავს კორონავირუსს, ასევე დენგეს ცხელებას. ახასიათებს ცხელება, სუნთვის გართულება და ის ძირითადი სიმპტომები, რაც კორონავირუსის შემთხვევაში გვხვდება.
"ლანცეტის“ სტატიაში ნათქვამია, რომ "პომიდვრის გრიპი“ შესაძლოა იყოს დენგეს ცხელების შემდგომი ეფექტი ბავშვებში, თუმცა ეს საკითხი კვლავ კვლევის საგანია.
ambebi.ge