Galaxy Z Flip4 და Z Fold4-ის წინასწარი შეკვეთა დაიწყო | Allnews.Ge

Galaxy Z Flip4 და Z Fold4-ის წინასწარი შეკვეთა დაიწყო

18 აგვისტოს, სამსუნგ ელექტრონიკს კავკასიის კომპანიამ ახალი Galaxy Z Flip4|Fold4 დასაკეც ეკრანიანი სმარტფონების პრეზენტაცია გამართა. უკვე დღეიდან დაიწყო ამ მოდელების წინასწარ შეკვეთები; 19 აგვისტოდან 1 სექტემბრის ჩათვლით, Galaxy Z Fold4-ისა და Z Flip4-ის სამსუნგის ოფიციალურ პარტნიორებთან წინასწარი შეკვეთის შემთხვევაში, საჩუქრად Galaxy Watch4-სა და ეკრანის 1 წლიან გარანტიას მიიღებ; პრე-ორდერის პერიოდში მოქმედებს Trade-In აქციაც - შეგიძლია მიიტანო შენი არსებული სმარტფონი, გაცვალო უახლეს დასაკეც ეკრანიან ფლაგმანზე და მიიღო განსაკუთრებული ფასდაკლება. ყოველთვის გახსოვდეს, რომ შეიძინო სამსუნგის სმარტფონი მხოლოდ სამსუნგის ოფიციალური ჰოლოგრამით.

შეგახსენებთ, რომ 10 აგვისტოს გლობალური პრეზენტაციის დროს, კომპანიამ ახალი თაობის დასაკეც ეკრანიანი სმარტფონები წარადგინა:

Samsung Galaxy Z Flip4 - დასაკეც ეკრანიანი სმარტფონების ინდუსტრიის ყველაზე ელეგანტური და თვალწარმტაცი წარმომადგენელია, რომელშიც წინამორბედ მოდელებთან შედარებით გაუმჯობესებულია როგორც ვიზუალური მხარე, ასევე ტექნიკური შესაძლებლობები. Z Flip4 წარმოადგენს დღეისათვის ყველაზე უჩვეულო და არასტანდარტული ფორმის სმარტფონს და შექმნილია იმისათვის, რომ იქცეს თავისი მფლობელის სტილის დომინანტურ აქსესუარად. Galaxy Z Flip4-ის იდეა მარტივი და გენიალურია. დაკეცილ მდგომარეობაში ის წარმოადგენს მომცრო ზომის დახვეწილ და ელეგანტურ ნივთს პატარა, საკმაოდ ფუნქციური ეკრანით, ხოლო გაშლილ მდგომარეობაში ის იქცევა ძალიან თხელ, ფლაგმანურ Galaxy სმარტფონად. უნიკალური დასაკეცი მექანიზმის წყალობით, Galaxy Z Flip4 გვთავაზობს კამერის სრულიად განსხვავებულ გამოცდილებას. ე.წ. Flex რეჟიმში შესაძლებელია მივიღოთ კამერის სასურველი რაკურსი და გადავიღოთ ფოტო და ვიდეო დისტანციურად, ხელის ან დამატებითი შტატივის გამოყენების გარეშე. აღსანიშნავია Samsung_ისა და Meta-ს პარტნიორობა, რის შედეგადაც ახალი Z Flip4-ის კამერის პროგრამული უზრუნველყოფა ოპტიმიზირებულია პოპულარული სოციალური ქსელებისათვის (Facebook, Instagram, WhatsApp).

shida-poto-1-1660889089.png

Galaxy Z Flip4 ძალიან დაცული სმარტფონია. დაკეცილ მდგომარეობაში მას ორივე მხრიდან Corning Gorilla Glass Victus+ იცავს, ხოლო სმარტფონის ჩარჩო ულტრათანამედროვე ბრონირებული ალუმინის შენადნობისგან შედგება. შიდა ეკრანი პოლიეთილენის ფირითაა დაცული ნაკაწრებისაგან, ხოლო უშუალოდ სმარტფონის კორპუსი დაცულია IPX8 სტანდარტით წყლისაგან. Galaxy Z Flip4-ის ეკრანი დატესტილია 200 000 დაკეცვა გახსნაზე დაკვირვების ქვეშ, რის შემდეგაც მისი მუშაობის მექანიზმში არაფერი შეცვლილა. მიუხედავად იმისა, რომ Galaxy Z Flip4 მეტად სტილზე და დიზაინზე ორიენტირებული სმარტფონია, მასში სამსუნგი უმძლავრეს მახასიათებლებს იყენებს. Galaxy Z Flip4 აღჭურვილია Qualocmm-ის ფლაგმანური 4 ნანომეტრიანი Snapdragon 8 Gen 1 პორცესორით, 8GB LPDDR5 ოპერატიული მეხსიერებით და 256GB UFS 3.1 სტანდარტის ვინჩესტერით. Z Flip4-ში ელემენტის მოცულობა 3,700 mAh-მდე გაიზარდა, რომლის 50%-მდე დასამუხტად, სუპერ სწრაფი დამუხტვის მეშვეობით, მხოლოდ 30 წუთია საკმარისი.

Galaxy Z Flip4 ხელმისაწვდომია 4 ფერში: შავი, ლურჯი, ვარდისფერი და იასამნისფერი.

shida-poto-2-1660889215.png

Samsung Galaxy Z Fold4 - ეს არის Samsung-ის მიერ შექმნილი ყველაზე მძლავრი, მულტიფუნქციური და ინოვაციური სმარტფონი. სტანდარტულ მობილურ მოწყობილობებთან შედარებით, ის ბევრად მეტ შესაძლებლობას გვთავაზობს, რაც პირველ რიგში მისი ფორმიდან და კონცეფციიდან გამომდინარეობს. სტანდარტული ზომის სმარტფონიდან, ჩვენ შეგვიძლია მივიღოთ 7.6 ინჩიანი ტაბი, რომელშიც ნებისმიერი ტიპის დავალების შესრულება უფრო სწრაფად, მარტივად და ხარისხიანად არის შესაძლებელი.

Z Fold4-ში რამდენიმე აპლიკაციაში პარალელურად მუშაობა და რამდენიმე ამოცანის ერთდროულად შესრულება ახლა ბევრად უფრო მარტივია. ამაზე პასუხისმგებელია სამსუნგის უახლესი ინტერფეისი One UI 4.1, რომელიც მაქსიმალურად არის მიახლოებული პერსონალური კომპიუტერის შესაძლებლობებთან. სამსუნგის Google-თან და Microsoft-თან თანამშრომლობამ, შესაძლებელი გახადა აპლიკაციებს შორის მარტივი ინტერაქცია და სმარტფონში მუშაობის გამოცდილების გაუმჯობესება. რაც შეეხება გარეთა ეკრანს, ის უსაზღვრო O ტიპის 6.2’’ ინჩიანი დინამიური AMOLED-ია ადაპტირებადი სიხშირით 120-სა და 48Hz-ს შორის. როგორც წინა Fold სერიის მოდელებში Fold4-ის გარეთა ეკრანით ნებისმიერი ფუნქციის შესრულება და ნებისმიერი აპლიკაციის გამოყენებაა შესაძლებელი.

როგორც ყველაზე მძლავრ და ინოვაციურ პროდუქტს შეეფერება, Galaxy Z Fold4-ში გამოყენებულია ამ დროისათვის მობილურ მოწყობილობების სამყაროში საუკეთესო 4nm-იანი Qualcomm-ის Snapdragon® 8 Gen 1 პროცესორი, 12GB LPDDR5 სტანდარტის ოპერატიული მეხსიერება და 256GB მოცულობის UFS 3.1 სტანდატის მეხსიერება. მოკლედ რომ ვთქვათ Galaxy Z Fold4 წარმოადგენს მობილურ მოწყობილობებში დღეისათვის არსებული ყველზე მძლავრი კომპონენტების ნაკრებს, რომელსაც უნივერსალური დასაკეცი ეკრანი აქვს. აქ ასევე გვაქვს 5G ქსელის მხარდაჭერა, ორი SIM ბარათი და ელექტრონული SIM.

წინამორბედ მოდელთან შედარებით, Fold4-ში გამოიყენება გაუმჯობესებული 50 MP_იანი მთავარი კამერა გაზრდილი სენსორით და ახალი თაობის ოპტიკური სტაბილიზატორით. Galaxy Z Fold4-ში გამოიყენება ინოვაციური ეკრანს მიღმა ფრონტალური კამერა, რომელიც სტანდარტული გამოყენებისას არ ჩანს და მისი კონტური მხოლოდ მაშინ ჩნდება, როდესაც ფრონტალურ კამერას ვიყენებთ. ასეთი საინტერესო გადაწყვეტილება სამსუნგის მიერ შემუშავებული გამჭვირვალე პიქსელების ტექნოლოგიით გახდა შესაძლებელი.

Galaxy Z Fold4-ის დიდი და არასტანდარტული ფორმის ეკრანი იდეალურია S Pen-ით მუშაობისათვის და რათქმაუნდა მას აქვს S Pen-ის მხარდაჭერა (თავსებადია მხოლოდ S Pen Fold Edition სერიასთან). S Pen-ის საშუალებით შესაძლებელია ეკრანიდან ნებისმიერი ზომისა და ფორმის ფრაგმენტის ამოჭრა უფონო ფორმატით, უცხოენოვან ტექსტებთან მუშაობისას სიტყვების თარგმნა, ხელნაწერის ბეჭდურ ტექსტად ქცევა, სრულყოფილი ციფრული ხატვის გამოცდილების მიღება, უფრო სწრაფი ნავიგაცია ინტერფეისში და მრავალი სხვა.

Galaxy Z Fold4 ხელმისაწვდომია 3 ფერში: შავი, მწვანე და კრემისფერი.

ამ მოდელების წინასწარი შეკვეთა სამსუნგის ოფიციალური პარტნიორების მაღაზიათა ქსელებსა და მათი ვებ-გვერდების საშუალებით არის შესაძლებელი; ოფიციალური პარტნიორები არიან: ალტა (www.alta.ge), ელიტ ელექტრონიკსი (www.ee.ge), მეგატექნიკა (www.megatechnica.ge), მეტრომარტი (www.metromart.ge), კონტაქტ ჰოუმი (www.kontakt.ge) და ყველა ის მაღაზია, სადაც სამსუნგის სმარტფონებს ოფიციალური ჰოლოგრამით ნახავ. გახსოვდეს - ჰოლოგრამა გიცავს.

(R)