რას წერს ბიძინა კულუმბეგოვი ალერგენების გავრცელების პერიოდზე და ვინ უნდა გამოიჩინოს განსაკუთრებული სიფრთხილე
ალერგოლოგ-იმუნოლოგი ბიძინა კულუმბეგოვი სოციალურ ქსელში მცენარეული ალერგენების გავრცელების შესახებ წერს და აღნიშნავს, თუ ვინ უნდა იყოს ფრთხილად ამ პერიოდში,
"21.02.2022-27.02.2022 მცენარეული ალერგენების გავრცელების პროგნოზია: ერთ-ერთი მაღალი ალერგენული თვისებების მქონე მცენარის გვარის კვიპაროსის (Cupressus) მტვრის მარცვლების კონცენტრაცია გაიზრდება და მაღალი კონცენტრაციით იქნება შეწონილი ჰაერში.
თხილის (Corylus) მტვრის მარცვლების კონცენტრაცია არ შეიცვლება და დაბალ ნიშნულზე შენარჩუნდება. მურყანის (Alnus) მტვრის მარცვლების კონცენტრაცია გაიზრდება და მაღალ ნიშნულზე დაფიქსირდება. სოკოების: ალტერნარიას (Alternaria) და კლადოსპორიუმის (Cladosporium) სპორების კონცენტრაცია არ შეიცვლება და დაბალ ნიშნულზე დაფიქსირდება.
პ.ს. კვიპაროსის ალერგიის მქონე ადამიანები ძალიან ფრთხილად უნდა იყვნენ, მოერიდეთ ქარიან და მზიან ამინდში გარეთ ყოფნას. თქვენი ექიმისგან მიიღეთ შესაბამისი რეკომენდაციები მედიკამენტურ მკურნალობასთან დაკავშირებით", - წერს ბიძინა კულუმბეგოვი.