რამდენი უცხოელი მიგრანტი ცხოვრობს საქართველოში ?
საერთაშორისო მიგრანტებს მსოფლიო მოსახლეობის 3,6%, ანუ 281 მილიონი ადამიანი შეადგენს. მათი უმრავლესობა ევროპაში (87 მილიონ ადამიანი) და აზიის ქვეყნებში (86 მილიონი) ცხოვრობს - ამის შესახებ აღნიშნულია მიგრაციის საერთაშორისო ორგანიზაციის (International Organization for Migration-IOM) ანგარიშში.
რაც შეეხება საქართველოს, ანგარიშის მიხედვით, ჩვენთან 79,4 ათასი საერთაშორისო მიგრანტია, რაც მოსახლეობის 2%-ს შეადგენს. ამასთან, აზერბაიჯანში საერთაშორისო მიგრანტების რაოდენობა მოსახლეობის 2,5%, ანუ 252 ათასი ადამიანია, სომხეთში - 190 ათასი (6,4%), თურქეთში - 6,05 მილიონი ადამიანი (7,2%), რუსეთში კი - 11,6 მილიონი პირი (8%).
საერთაშორისო მიგრანტების 40% წარმომავლობით აზიის 6 ქვეყნიდან არის. ესენია: ინდოეთი, ჩინეთი, ბანგლადეში, პაკისტანი, ფილიპინები და ავღანეთი. საერთაშორისო მიგრანტთა რაოდენობის წარმომავლობის მიხედვით, მექსიკა, ინდოეთის შემდეგ მეორე ადგილზეა, ხოლო რუსეთი - მესამეზე.
IOM-ის მონაცემებით, 1970 წლიდან 2020 წლამდე საერთაშორისო მიგრაციის მასშტაბები სამჯერ გაიზარდა. ბოლო ათწლეულების განმავლობაში, შეერთებული შტატები და გერმანია მიგრანტებისთვის ყველაზე მიმზიდველი ქვეყნებია. თუ 1970 წელს შეერთებულ შტატებში 12 მილიონი საერთაშორისო მიგრანტი იყო, დღეს 51 მილიონზე მეტია. განაგრძეთ კითხვა