ანგარიში - საქართველოში „ფაიზერით“ სრულად ვაქცინირებულია 425 493 ადამიანი, „ასტრაზენეკათი“ - 58 591, „სინოფარმით“ - 253 253, ხოლო „სინოვაკით“ - 79 100 | Allnews.Ge

ანგარიში - საქართველოში „ფაიზერით“ სრულად ვაქცინირებულია 425 493 ადამიანი, „ასტრაზენეკათი“ - 58 591, „სინოფარმით“ - 253 253, ხოლო „სინოვაკით“ - 79 100

დაავადებათა კონტროლის და საზოგადოებრივი ჯანმრთელობის ეროვნული ცენტრის ანგარიშის თანახმად, 1 ოქტომბრის მონაცემებით, ქვეყანაში სულ 1 802 566 დოზა აცრაა ჩატარებული, საიდანაც სრულად აცრილია 813 437 მოქალაქე, რაც მოზრდილი მოსახლეობის 28.7%-ს შეადგენს.

„ფაიზერით“ სრულად ვაქცინირებულია - 425 493 ადამიანი, „ასტრაზენეკით“ – 58 591 ადამიანი, „სინოფარმით“ - 253 253 ადამიანი, ხოლო „სინოვაკით“ - 79 100 ადამიანი.

მათივე ცნობით, დღეში დაახლოებით, ყოველ 100 000 მოსახლეზე 85 დოზა აცრა კეთდება.

ამასთან ინფორმაციაში აღნიშნულია, რომ COVID-19-ის საწინააღმდეგო ვაქცინის სრული დოზით აცრების 52% თბილისში ჩატარდა.

ცნობისთვის, საქართველოში COVID-19-ის საწინააღმდეგო ვაქცინაცია 2021 წლის 15 მარტს დაიწყო.