როგორია კორონავირუსის „დელტა“ შტამის გადატანის შემდეგ პოსტკოვიდური სინდრომის უჩვეულო სიმპტომები
არსებობს გარკვეული უჩვეულო სიმპტომები, რომლებიც აღენიშნებათ ადამიანებს კორონავირუსის „დელტა“ შტამის გადატანის შემდეგ.კერძოდ, უფრო გამოხატულია ადვილად დაღლა, ხმის ტემბრის ცვლილება, მეხსიერების დარღვევები, კოგნიტიური ფუნქციების დაქვეითება (საზრიანობა, სამუშაო პროცესებში მონაწილოების უნარი), ასევე აღინიშნება სმენის დაქვეითება და კუჭ-ნაწლავის ტრაქტის მხრივ მოშლილობები.
ამას გარდა, შეიძლება უფრო გამოხატული იყოს ფილტვებისა და გულის დაზიანება, ასევე სხვა ინფექციებისადმი მომატებული მიმღებლობა.
პოსტკოვიდური სინდრომი შეიძლება მათაც განუვითარდეთ, ვინც მსუბუქი ფორმით გადაიტანა დაავადება. დაავადების მსუბუქი მიმდინარეობისას ადამიანები, როგორც წესი, ნაკლებად მიმართავენ სამედიცინო დახმარებას, რის გამოც შეიძლება გამოვლინდეს სიმტომები. ამასთან, რაც უფრო მძიმედ მიმდინარეობს დაავადება, მით მეტად ვლინდება აღნიშნული სიმპტომები.