რატომ არის კორონავირუსი ნაკლებად საშიში ბავშვებისათვის | Allnews.Ge

რატომ არის კორონავირუსი ნაკლებად საშიში ბავშვებისათვის

ვანდერბილტის უნივერსიტეტის სამედიცინო ცენტრის მეცნიერებმა აღამოაჩინეს საკვანძო ფაქტორი, რომლითაც შეიძლება აიხსნას, რატომ აზიანებს უპირატესად მოზრდილ და ხანდაზმულ ადამიანებს ახალი კორონავირუსი და ნაკლებად ეხება დაბალი ასაკის ბავშვებს.

მკვლევარების განმარტებით, ბავშვებში უფრო დაბალია რეცეპტორული ცილის დონე, რომელიც აუცილებელია კორონავირუსისათვის სასუნთქი გზების ეპითელიუმის უჯრდებში შესაღწევად. ცნობილია, რომ მას შემდეგ რაც ვირუსი ხვდება ფილტვებში, ვირუსის ცილოვანი "ეკლები" ემაგრებიან ACE2- ფილტვის გარკვეული უჯრედების ზედაპირზე არსებულ რეცეპტორებს.

მეორე უჯრედული ცილა TMPRSS2, შლის "ეკლის" ცილას, რაც ვირუსს საშუალებას აძლევს შეერწყას უჯრედის მემბრანას და შეაღწიოს უჯრედში. როგორც დადგინდა, TMPRSS2   ექსპრესია ასაკთან ერთად მნიშვნელოვნად იზრდება. ამასთან ერთად მეცნიერებმა ვირუსი აღმოაჩინეს სამი ტიპის უჯრედებში, რომლებიც ახდენენ TMPRSS2 ექსპრესიას. TMPRSS2-ის ბლოკატორი პრეპარატები მოწოდებულია პროსტატის კიბოს სამკურნალოდ. ამჟამად ისინი გადიან კლინიკურ გამოცდას, როგორც COVID-19-ის მკურნალობის პოტენციური საშუალებები.