მეცნიერები- ნიგოზის ხშირი მიღება მნიშვენლოვნად ამაღლებს სპერმის ხარისხს | Allnews.Ge

მეცნიერები- ნიგოზის ხშირი მიღება მნიშვენლოვნად ამაღლებს სპერმის ხარისხს

აშშ-ს მკვლევართა ჯგუფმა დაადგინა, რომ ნიგოზის ხშირი მიღება მნიშვენლოვნად ამაღლებს სპერმის ხარისხს. ნიგოზს შეუძლია აგრესიული გარემოს უარყოფითი ეფექტების ნაწილობრივი ნიველირება.

ნაჩვენები იქნა, რომ ნიგოზის მიღება ხელს უწყობს სპერმატოზიუდების დნმ-ის მეთილირებას, ანუ ხდება დნმ-ის მოლეკულის მოდიფიცირება თავად ნუკლეოტიდური თანმიმდევრობის შეცვლის გარეშე, რაც სპერმატოზოიდების ფუნქციის გაუმჯობესებას იწვევს. კვლევის ფარგლებში გაანალიზდა ნუშის, ფუნდუკისა და ნიგოზის ნარევის მიღების ეფექტი. ტესტირება ჩატარდა 72 ჯანმრთელ, არამწეველ ახალგაზრდა მამაკაცზე. 48 მოხალისე 14 კვირის განმავლობაში იღებდა ნიგოზს, ხოლო დანარჩენი 24 ადამიანი წარმოადგენდა საკონტროლო ჯგუფს. ძირითად ჯგუფში აღინიშნა სპერმის ხარისხის გაუმჯობესება. გაიზარდა სპერამტოზოიდების რაოდენობა, სიცოცხლის უნარი, მოძრაობა და მორფოლოგია.

მეცნიერებმა გამოავლინეს გენომის 36 უბანზე დიდი განსხვავდებები. ძირითადი ჯგუფის მოხალისეებში მეცნიერებმა სპერმატოზოიდების დნმ-ის უბნების 97,2% დააფიქსირეს ჰიპერმეთილირება. ეს ყველაფერი ნათლად აჩვენებს, როგორ მოქმედებს კვება მამაკაცის ფერტილობაზე.