ქუთაისის აეროპორტში ძლიერმა ქარმა პრობლემები შექმნა
ძლიერმა ქარმა ქუთაისის, დავით აღმაშენებლის საერთაშორისო აეროპორტში გარკვეული პრობლემები შექმნა. რიგა-ქუთაისის რეისის მგზავრები ბარგს ვერ იბრუნებენ.
როგორც მგზავრებისთვის ცნობილი გახდა, ბარგის დაყოვნების მიზეზი ძლიერი ქარია, რის გამოც თვითმფრინავის საბარგულს ვერ აღებენ. თუმცა მგზავრების განმარტებით, აეროპორტში მათთვის ოფიციალური პასუხი არ გაუციათ.
ქუთაისის აეროპორტში რიგა-ქუთაისის თვითმფრინავი ერთი საათის წინ დაეშვა. აეროპორტში ადასტურებენ, რომ ძლიერი ქარის გამო შეფერხებაა. ოპერატორის ინფორმაციით, შეფერხებაა, როგორც ბარგის აღების, ასევე თვითმფრინავის გაფრენასთან დაკავშირებით.
"ძლიერი ქარია ადგილზე, ამიტომ ვერ მოხერხდა ბარგის აღება. რაც შეეხება ფრენებს, ერთი რეისი შესრულდა, მეორე მალე უნდა გაფრინდეს, თუმცა არის მცირეხნიანი დაგვიანება"–აცხადებენ აეროპორტში.