როგორ ამინდს პროგნოზირებენ სინოპტიკოსები ამ შაბათ-კვირას?
შაბათს და კვირას დასავლეთ საქართველოში მოსალოდნელია წვიმა. 15 სექტემბერს დასავლეთ საქართველოში ჰაერის ტემპერატურა 23-28 გრადუსის ფარგლებში იქნება. ტემპერატურა ოდნავ დაიკლებს კვირას და 22-27 გრადუსის ფარგლებში შენარჩუნდება. აღნიშნული ინფორმაცია Allnews.ge-ის გარემოს ეროვნული სააგენტოს ჰიდრომეტეოროლოგიური პროგნოზების სამმართველოს უფროსმა, სვეტლანა ნიორაძემ მიაწოდა.
სვეტლანა ნიორაძის თქმით, დასავლეთ საქართველოში დღეს ღამით დაიწყება წვიმა.
რაც შეეხება აღმოსავლეთ საქართველოს, აქ ნალექი ზოგიერთ რაიონშია მოსალოდნელი. იქროლებს დასავლეთის ქარი. შაბათს ჰაერის ტემპერატურა 26-31 გრადუსი იქნება, კვირას ტემპერატურა ქვეყნის აღმოსავლეთ ნაწილშიც დაიკლებს და 24-29 გრადუსის ფარგლებში შენარჩუნდება.
სინოპტიკოსის განმარტებით, ხვალ წვიმას დედაქალაქშიც უნდა ველოდოთ, თუმცა თბილისში კვირადღე უნალექოდ ჩაივლის.