უახლოეს დღეებში ტემპერატურის 40 გრადუსამდე მატებაა მოსალოდნელი
25 ივლისს დასავლეთ საქართველოში მაქსიმალურმა ტემპერატურამ შესაძლოა ზოგან +40 გრადუსს მიაღწიოს. აღნიშნულის შესახებ ინფორმაციას, გარემოს ეროვნული სააგენტოს ჰიდრომეტეოროლოგიური ცენტრი ავრცელებს.
გარემოს ეროვნული სააგენტოს ინფორმაციით, 24 ივლისს შედარებით გამოიდარებს და 27 ივლისამდე ხანმოკლე წვიმა და ელჭექი მოსალოდნელია მხოლოდ ზოგიერთ რაიონში. ჰაერის ტემპერატურა +31, +36 გრადუსამდე მოიმატებს. 26 ივლისს კი 2 – 3 გრადუსით დაიკლებს. აღმოსავლეთ საქართველოში 25 – 26 ივლისს ჰაერის ტემპერატურა +32, +37 გრადუსის ფარგლებშია მოსალოდნელი.
დედაქალაქში 24 – 26 ივლისს დღის საათებში უმეტესად უნალექო ამინდი იქნება, ტემპერატურა +35, +37 გრადუსამდე მოიმატებს.
საქართველოში არამდგრადი ამინდი შენარჩნდება. გარემოს ეროვნული სააგენტოს ჰიდრომეტეოროლოგიური ცენტრის ინფრმაციით, 23 ივლისს საქართველოში შენარჩუნებული იქნება დროგამოშვებით წვიმა და ელჭექი, ზოგან ძლიერი, შესაძლებელია სეტყვა და ქარის გაძლიერება. ჰაერის ტემპერატურა დაბლობსა და ბარში +25, +30 გრადუსია მოსალოდნელი. ქ. თბილისში დროგამოშვებით იწვიმებს. ჰაერის ტემპერატურა +27, +29 გრადუსი იქნება.