წელს მართვის მოწმობის პრაქტიკულ გამოცდაზე 108 834 შემთხვევიდან 71% ჩაიჭრა
2018 წლის პირველ ნახევარში საქართველოს მასშტაბით მართვის მოწმობის თეორიულ გამოცდაზე 57 378 გასვლა დაფიქსირდა, საიდანაც 31 316-მა გამოცდა წარმატებით ჩააბარა, 26 062-მა პირმა კი ვერ ჩააბარა, - ამის შესახებ ინფორმაცია Allnews.ge-მ შინაგან საქმეთა სამინისტროდან გამოითხოვა. რაც შეეხება პრაქტიკულ გამოცდას, 2018 წლის პირველ ნახევარში 108 834 გასვლა დაფიქსირდა, საიდანაც წარმატებით 31 894 ჩაბარება დაფიქსირდა, ხოლო წარუმატებელი 76 940.
გასულ წელს კი შინაგან საქმეთა სამინისტროს ინფორმაციით, მართვის მოწმობის თეორიულ გამოცდაზე სულ 143 854 გასვლა დაფიქსირდა, საიდანაც 80 659 შემთხვევაში გამოცდის წარმატებით გადალახვა დაფიქსირდა, ხოლო 63 195 შემთხვევაში – წარუმატებელი.
გამოცდის პრაქტიკული ნაწილზე კი 345 053 გასვლა დაფიქსირდა, მათგან წარმატებული 74 877 აღმოჩნდა, წარუმატებელი კი, 170 176.
რამდენი ქალი და კაცი იღებს მართვის მოწმობას საქართველოში ყოველწლიურად?