არდაგანის ტბაში სამძებრო სამუშაოები შეწყდა - იპოვეს მხოლოდ ხელთათმანი
ბათუმში, არდაგანის ტბაში ცხედრის სამძებრო სამუშაოები შეწყდა. ძიების შეწყვეტის გადაწყვეტილება მას შემდეგ მიიღეს, რაც ტბაში ცხედრის არსებობის შესახებ შესული ინფორმაცია არ დადასტურდა. მაშველებმა არდაგანის ტბაში მხოლოდ ხელთათმანი იპოვეს.
„სამძებრო სამუშაოები გუშინ დაიწყო. რამდენიმე წუთის წინ იპოვეს ხელთათმანი. გავრცელებული ფოტო სწორედ ამ ხელთათმანის არის. სამძებრო სამუშაოები ამჟამად უკვე დასრულებულია“, - აცხადებენ საგანგებო სიტუაციების მართვის სამსახურში.
ბათუმში, არდაგანის ტბაში სამაშველო ბრიგადები ცხედარს გუშინდელი დღიდან ეძებდნენ. ფოტო ტბაში ადამიანის ხელის მსგავსი გამოსახულებით თავდაპირველად "ბათუმელებმა" გაავრცელეს.