როგორ მოვიქცეთ ძლიერი მიწისძვრის დროს - საგანგებო სიტუაციების მართვის სამსახურის რეკომენდაციები | Allnews.Ge

როგორ მოვიქცეთ ძლიერი მიწისძვრის დროს - საგანგებო სიტუაციების მართვის სამსახურის რეკომენდაციები

საგანგებო სიტუაციების მართვის სამსახური იმ რეკომენდაციებს ავრცელებს, რომელიც მოსახლეობამ ძლიერი მიწისძვრის დროს უნდა გაითვალისწინოს.

"როგორ მოვიქცეთ ძლიერი მიწისძვრის დროს, თუ შენობაში ვიმყოფებით:

თუ სუსტი მიწისძვრაა, არ შეშინდეთ, უმჯობესია დარჩეთ იქ, სადაც ხართ; სასწრაფოდ დატოვეთ შენობა კიბით ან პირველი სართულის ფანჯრებიდან; მეორე სართულზე და უფრო ზემოთ, ნუ შეეცდებით შენობის დატოვებას; არ ისარგებლოთ ლიფტით; დადექით შიდა კედელთან კუთხეში, კარის ჭრილში, საყრდენ სვეტთან; თუ შენობა ძველია და კედლები არასაიმედოა, შეძვერით საწოლის ან მაგიდის ქვეშ; არ ისარგებლოთ ასანთით;

როგორ მოვიქცეთ ძლიერი მიწისძვრის დროს, თუ ქუჩაში ვიმყოფებით:

გადით ღია ადგილზე, შორს შენობებისა და ელექტროგადამცემებისაგან; არ დადგეთ ხიდზე ან მის ქვეშ", - ნათქვამია რეკომენდაციებში.