მართვის მოწმობის პრაქტიკული გამოცდისთვის შსს ახალ ავტომობილებს შეიძენს
შინაგან საქმეთა სამინისტროს მომსახურების სააგენტო ახალი საგამოცდო ავტომობილების შეძენას გეგმავს.
სატენდერო პირობების თანახმად, წინადადებების მიღება 8 ივნისს დაიწყება და 11 ივნისს დასრულდება. შესყიდვის სავარაუდო ღირებულება კი 1 417 950 ლარია.
კერძოდ, სატენდერო დოკუმენტაციის თანახმად, იგეგმება 37 ერთეული, 2 სხვადასხვა ტიპის საგამოცდო ავტოსატრანსპორტო საშუალების შეძენა.
როგორც დოკუმენტაციაშია აღნიშნული, ავტომობილები უნდა იყოს თეთრი ფერის, 2018 წელს გამოშვებული (ექსპლოატაციაში არმყოფი); მარცხენასაჭიანი, ძარა უნდა იყოს - ჰეჩბეკის ტიპის; ბენზინზე მომუშავე და ა.შ.
სამუშაოს შესრულების ვადა ხელშეკრულების გაფორმებიდან 90 კალენდარული დღეა, ხოლო საგარანტიო პერიოდი ავტოსატრანსპორტო
საშუალების მიწოდების დღიდან, გარბენის შეუზღუდავად, არანაკლებ 2 წელს უნდა შეადგენდეს.
წყარო: bpn.ge