„მესტია ჭალაჰესის“ მშენებლობის საწინააღმდეგოდ გამართულ აქციაზე ფეხმძიმე ქალი პროტესტის ნიშნად გზაზე დაწვა
აქციაზე, რომელიც "მესტია ჭალაჰესის" მშენებლობის საწინააღმდეგოდ იმართება, ფეხმძიმე ქალი პროტესტის ნიშნად გზაზე დაწვა. მუნიციპალიტეტის ცენტრში "მესტია ჭალაჰესი 1" და მესტია ჭალაჰესი 2-ის" მშენებლობის წინააღმდეგ საპროტესტო აქცია ამ წუთებშიც მიმდინარეობს. აქციის მონაწილეები სამშენებლო ტექნიკის შეყვანას აპროტესტებენ.
როგორც აქციის ერთ-ერთმა მონაწილემ ნათია ქურდიანმა განაცხადა, მესტიაში დილით მშენებლობისთვის საჭირო ტექნიკა შევიდა.
"არ გავატარებთ ამ მანქანებს და ამ ჰესების მშენებლობას შევეწირებით, რადგან ჩვენი არ ესმით. ერთ-ერთი ქალი, რომელიც 7 თვის ფეხმძიმეა, პროტესტის ნიშნად გზაზე დაწვა და ჩვენი თხოვნის მიუხედავადაც არ დგება. ჩვენ არც ჰესების მშენებლობის და არც ქვეყნის განვითარების წინააღმდეგი არ ვართ, მაგრამ ის, რაც მოსახლეობას საფრთხეს უქმნის, არ უნდა გაკეთდეს", - განაცხადა ნათია ქურდიანმა.