დავით სერგეენკო - შვედეთის მოქალაქეს, რომელიც ორსულადაა, აღენიშნება ტკივილები წელის არეში
გუდაურის საბაგიროზე მომხდარი შემთხვევის შედეგად დაშავებული შვედეთის მოქალაქეს, რომელიც ორსულადაა, აღენიშნება ტკივილები წელის არეში, უკრაინის მოქალაქეს კი ხელის ღია მოტეხილობა აქვს, - ამის შესახებ ჯანდაცვის მინისტრმა დავით სერგეენკომ განაცხადა, რომელიც დანარჩენებთან შედარებით, აღნიშნული 2 პაციენტის მდგომარეობას საყუდაღებოდ მიიჩნევს.
მინისტრის ინფორმაციით, ამ წუთის მდგომარეობით, 8 ადამიანმა მიმართა გუდაურის გადაუდებელი დახმარების კლინიკას, საიდანაც 7 მათგანი ადგილზე რჩება, ერთი კი უკვე გაეწერა.
"გუდაურში კარგად აღჭურვილი გადაუდებელი დახმარების კლინიკაა და იქ სრულ სტაბილიზაციას ახდენენ ამ პაციენტების. ასევე სატრანსპორტოდ უკვე პრაქტიკულად ჩასულები არიან რეანომობილები. მოხდება გადაფასება. ამ ორ პაცინეტს, უკრაინის და შვედეთის მოქალაქეებს სავარაუდოდ, თბილისში გადმოვიყვანთ და დანარჩენებთან დაკავშირებით უკვე ადგილზე დამატებითი კვლევები შემდეგ მივიღებთ გადაწყვეტილებას", - განაცხადა დავით სერგეენკომ "იმედთან" საუბარში.
მისივე თქმით, დაშავებულებს შორის ბავშვები არ არიან.