დოდო გუგეშაშვილი რეანიმობილით შვილის პანაშვიდზე გადაიყვანეს
დოდო გუგეშაშვილი ღუდუშაურის კლინიკიდან რეანიმობილით, ბაგრატიონის ქუჩაზე იმ სახლში გადაიყვანეს, სადაც ამ დროისთვის მისი შვილის ცხედარი ასვენია. მანამდე კი, კლინიკაში მივიდნენ დოდო გუგეშაშვილის მეგობრები და სასულიერი პირები, რომლებმაც მას შვილის გარდაცვალების ამბავი შეატყობნეს.
მეგობარი - დოდო გუგეშაშვილს შვილის გარდაცვალების შესახებ შეატყობინეს
დოდო გუგეშაშვილმა ამ დრომდე არ იცოდა ვაჟის გარდაცვალების ამბავი. როგორც დღეს ჟურნალისტებს ექიმმა ნიკოლოზ ქარცივაძემ განუცხადა, პაციენტის ჯანმრთელობის მდგომარეობა საგრძნობლად გაუმჯობესებულია. ასევე ექიმის თქმით, დოდო გუგეშაშვილს კლინიკაში დღეს კვლავ დააბრუნებენ, ვინაიდან მკურნალობის პროცესი დასრულებული არ არის.