ფოთისა და ყულევის სანაპიროზე საშტორმო მდგომარეობა გამოცხადდა
ფოთისა და ყულევის სანაპიროზე საშტორმო მდგომარეობაა, - ამის შესახებ ქალაქის ჰიდროგრაფიულ სამსახურში განაცხადეს.
სინოპტიკოსების ინფორმაციით, გუშინ აღმოსავლეთის ქარის სიჩქარე 12-17 მ/წმ-ს აღწევდა, დროგამოშვებით 21-23 მ/წმ დაქროლვით.
მათივე თქმით, ზღვის ღელვა კი 2-დან 3 ბალამდე დაფიქსირდა, თუმცა დღეს ღამის საათებში 4 ბალამდე მოიმატებს და 14 თებერვლამდე შენარჩუნდება.
სინოპტიკოსების ცნობით, მომდევნო სამი დღის განმავლობაში დროგამოშვებით იწვიმებს. ჰაერის მაქსიმალური ტემპერატურა კი +10 გრადუსს მიაღწევს.