წერეთლის გამზირზე ახალგაზრდა მამაკაცი დაჭრეს
წერეთლის გამზირზე ახალგაზრდა მამაკაცი დაჭრეს. შემთხვევა გამთენიისას მოხდა. მამაკაცს ჭრილობა დანით აქვს მიყენებული. სამართალდამცველებმა დანაშაული ცხელ კვალზე გახსნეს. როგორც "ინტერპრესნიუსს" შსს-ში განუცხადეს, პოლიციამ დაჭრაში ბრალდებული პირი უკვე დააკავა.
რაც შეეხება დაჭრილს, მის სიცოცხლეს საფრთხე არ ემუქრება და მდგომარეობა ამჟამად დამაკმაყოფილებელია.
მომხდარზე გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.