ელიავას ბაზრობის მიმდებარე ტერიტორიაზე კორპუსის მშენებლობისას 2 მუშა დაშავდა
ელიავას ბაზრობის მიმდებარე ტერიტორიაზე კორპუსის მშენებლობისას 2 მუშა დაშავდა. როგორც "ინტერპრესნიუსისთვის" გახდა ცნობილი, ობიექტიდან სამშენებლო მასალა - ფიცარი ჩამოვარდა და იქ მყოფ ორ ადამიანს დაეცა, რის შედეგადაც მათ სხეულის დაზიანება მიიღეს.
შსს-ს ინფორმაციით, ორივე დაშავებული სასწრაფო სამედიცინო სამსახურის ბრიგადამ საავადმყოფოში გადაიყვანა. ადგილზე სამართალდამცავები იმყოფებიან და მიმდინარეობს საგამოძიებო მოქმედებები.