ყიზილაჯლოში მომხდარი შემთხვევა შესაძლოა ბიზნესთან დაკავშირებულ დაპირისპირებას უკავშირდებოდეს
მარნეულის მცხოვრებლების ნაწილის ინფორმაციით, ყიზილაჯლოში, "ქართული ოცნების" შტაბში გუშინ მომხდარი შემთხვევა "უფრო ბიზნესთან დაკავშირებულ დაპირისპირებას უკავშირდება, ვიდრე პოლიტიკას".
პირად საუბრებში ადგილობრივთა ერთი ნაწილი აცხადებს, რომ საკრებულოს "ქართული ოცნების" მაჟორიტარი დეპუტატობის კანდიდატს, რომელიც გუშინდელი თავდასხმისას დაჭრეს, "გარკვეული ბიზნესები აქვს". ისინი ერთ-ერთ ვერსიად ასახელებენ ცალკეულ ქონებასთან დაკავშირებულ დავას, თუმცა დეტალებზე საუბრისგან თავს იკავებენ.