თბილისში ხვალ ნისლია მოსალოდნელი
27 სექტემბერს დღის ბოლოდან და 28 სექტემბერს საქართველოს ტერიტორიაზე ცივი და ნოტიო ჰაერის მასების გავრცელების გამო, მოსალოდნელია ამინდის პირობების მკვეთრი გაუარესება, - ამის შესახებ "ინტერპრესნიუსს" გარემოსა და ბუნებრივი რესურსების დაცვის სამინისტროს გარემოს ეროვნული სააგენტოდან აცნობეს.
მათივე ინფორმაციით, დღეს დღის ბოლოდან და ხვალ მოსალოდნელია ჰაერის ტემპერატურის მნიშვნელოვანი დაკლება, ელჭექი, ნისლი, წვიმა, ზოგან ძალიან ძლიერი, მაღალმთიან ზონაში ზოგან თოვლჭყაპი, ზღვაზე 4-5 ბალიანი შტორმი. ჰაერის ტემპერატურა 28 სექტემბერს დასავლეთ საქართველოს დაბლობში +17, +22, ხოლო აღმოსავლეთ საქართველოს ბარში +13, +18 გრადუსამდე დაიკლებს. დედაქალაქში წვიმა და ხვალ ნისლია მოსალოდნელი.