საქართველოს მოქალაქეებისთვის მწვანე ბარათის გათამაშებასთან დაკავშირებით აშშ-ის საელჩო ინფორმაციას ავრცელებს | Allnews.Ge

საქართველოს მოქალაქეებისთვის მწვანე ბარათის გათამაშებასთან დაკავშირებით აშშ-ის საელჩო ინფორმაციას ავრცელებს

მწვანე ბარათის 2019 წლის გათამაშების პროგრამისთვის რეგისტრაცია მიმდინარე წლის 3 ოქტომბერს თბილისის დროით 20:00 საათზე დაიწყება. აშშ-ში ცხოვრებისა და მუშაობის მსურველებს რეგისტრაციის გავლა 7 ნოემბრის 20:00 საათამდე შეძლებენ. დარეგისტრირებული კანდიდატები 2018 წლის პირველი მაისიდან სტატუსის გადამოწმებას გათამაშების ვებ-გვერდზე სეძლებენ.

ინფორმაციას გათამაშების შესახებ და კონკრეტულ ინსტრუქციას ამერიკის შეერთებული შტატების საელჩო საქართველოში ავრცელებს.

მწვანე ბარათის გათამაშების პროგრამა 1990 წლის საიმიგრაციო კანონით დაარსდა, რომელის მიხედვითაც ყოველწლიურად გათამაშების გზით 55 ათასი საიმიგრაციო ვიზაა ხელმისაწვდომი.

აშშ "მწვანე ბარათის" მიღების პროცედურის გართულებას გეგმავს

გათამაშების მიზანს წარმოადგენს შეერთებულ შტატებში იმიგრანტი მოსახლეობის დივერსიფიცირება, კანდიდატების შერჩევით ძირითადად იმ ქვეყნებიდან, სადაც ბოლო ხუთი წლის განმავლობაში აშშ-ში იმიგრირებულთა რაოდენობის დაბალი მაჩვენებლი ფიქსირდება.

სასარგებლო ბმულები:

გათამაშების ვებ-გვერდი: www.dvlottery.state.gov

გათამაშების ინსტრუქცია: ქართულად

საინფორმაციო ღონისძიებების განრიგი: https://ge.usembassy.gov/ka/visas-ka/immigrant-visas-ka/diversity-visa-ka/

 

 

myquiz