ზაჰესში ხანძარი ლიკვიდირებული ჯერ კიდევ არ არის
ზაჰესში ფერდობებზე ხანძრის სრულად ლიკვიდაციისთვის მეხანძრე-მაშველები ჯერ კიდევ მუშაობენ. ადგილზე 50-მდე მეხანძრე-მაშველი იმყოფება.
კვამლი ფერდობებზე უკვე აღარ შეინიშნება. როგორც ადგილზე მეხანძრეებმა განაცხადეს, ხანძრის სრული ლიკვიდაცია უმოკლეს პერიოდში მოხდება.
ცეცხლი დაახლოებით 1 ჰექტარ ფართობზე, ბუჩქებსა და ბალახს მოედო. ხანძარი აღნიშნული ტერიტორიის მახლობლად გუშინაც გაჩნდა.