მომდევნო დღეებში, დროგამოშვებით წვიმიანი ამინდია მოსალოდნელი
რამდენიმე დღიანი ძლიერი სიცხის შემდეგ, საქართველოში ტემპერატურამ შედარებით იკლო. როდიდან აგრილდება საქართველოში და ისევ გველის თუ არა წინ ცხელი დღეები Allnews.ge გარემოს ეროვნული სააგენტოს ჰიდრომეტეოროლოგიური პროგნოზების ცენტრის უფროსს, სვეტლანა ნიორაძეს ესაუბრა.
"ბოლო დღეებია თბილისსა და საქართველოს სხვა რეგიონებში +39, +40 გრადუსი აღარ ფიქსირდება და შედარებით აგრილდა. მომდევნო დღეებში, დროგამოშვებით წვიმიანი ამინდია მოსალოდნელი, როგორც დასავლეთ ისე აღმოსავლეთ საქართველოში. დასავლეთში დღეს ჰაერის ტემპერატურა +29, +34 გრადუსის ფარგლებში იქნება. 17 აგვისტოს ველოდებით კარგ აგრილებას, აღმოსავლეთ საქართველოში ტემპერატურა +24 - +29 გრადუსის ფარგლებში იქნება, ხოლო თბილისში +26, +27 გრადუსია მოსალოდნელი.
უკვე 20 აგვისტოდან ტემპერატურა მატებას დაიწყებს, მაგრამ +39, +40 გრადუსს აღარ იქნება", - ამბობს სვეტლანა ნიორაძე.
მისი ინფორმაციით, დასავლეთ საქართველოში, კერძოდ ზღვისპირა დასახლებებში მოსალოდნელია ხანმოკლე წვიმა, თუმცა შტორმსა და ამინდის სერიოზულ გაუარესებას ამ ეტაპზე სინოპტიკოსები არ ელოდებიან.