ქუთაისი-სამტრედიის მონაკვეთზე სარეაბილიტაციო სამუშაოები დასრულდა | Allnews.Ge

ქუთაისი-სამტრედიის მონაკვეთზე სარეაბილიტაციო სამუშაოები დასრულდა

ქუთაისი-სამტრედიის 56,5 კილომეტრიან მონაკვეთზე სარეაბილიტაციო სამუშაოები უკვე დასრულდა, თუმცა საქართველოს საავტომობილო გზების დეპარტამენტის თავმჯდომარის, გიორგი სეთურიძის ინფორმაციით, თბილისის მხრიდან ავტომობილების გადაადგილება ჯერ კიდევ ცალმხრივად მიმდინარეობს. მისი განმარტებით, მიზეზი უსაფრთხოების ნორმების დაცვაა.

"ამ საკითხს უშუალოდ საპატრულო პოლიცია წყვეტს, რადგან მოძრაობის რეგულირებაზე პასუხისმგებელი ის არის. ახლა სამტრედია-ქუთაისის მონაკვეთზე მოძრაობა გადატვირთულია, თუმცა ავტოსაგზაო შემთხვევების რაოდენობა მინიმუმზეა დაყვანილი. შესაბამისად, საპარტულო პოლიცია მიიჩნევს, რომ ჩქაროსნული მაგისტრალის გახსნა მგზავრთა უსაფრთხოებიდან გამომდინარე ჯერჯერობით საჭირო არ არის," - აღნიშნავს სეთურიძე.

ქუთაისი-სამტრედიის ჩქაროსნულ ავტომაგისტრალზე გარე განათების ქსელის, ხმაურიანი ზოლების, დამატებითი საგზაო ნიშნებისა და ვიდეო-სამეთვალყურეო სისტემის მოწყობა განხორციელდა.