ანატოლი ბიბილოვი - რუსეთი თავისი სულისკვეთებით ყოველთვის იყო და არის მშვიდობისმყოფელი
რუსეთი თავისი სულისკვეთებითა და შინაარსით მშვიდობისმყოფელია, ის მშვიდობას უზრუნველყოფს სირიაში და დედამიწის ბევრ წერტილში, - განაცხადა ოკუპირებული სამხრეთ ოსეთის დე ფაქტო პრეზიდენტმა ანატოლი ბიბილოვმა საზეიმო მიტინგზე, რომელიც სამხრეთ ოსეთში რუსეთის სამშვიდობო მისიის 25 წლისთავს მიეძღვნა.
"თქვენ ხედავთ თუ როგორ დალაგდა ცხოვრება რუსეთის წყალობით.
რესპუბლიკა ვითარდება, შენდება სოციალური ხასიათის ობიექტები, ეკონომიკა ვითარდება. ეს კი იმას ცხადყოფს, რომ რუსეთი თავისი სულისკვეთებით, თავისი შინააარსით ყოველთვის იყო და არის მშვიდობისმყოფელი", - განაცხადა ანატოლი ბიბილოვმა.
მისი თქმით, დღეს რუსეთი მშვიდობას უზრუნველყოფს სირიაში და მსოფლიოს სხვადასხვა წერტილებში და რუსთმა არ დაუშვა სამხრეთ ოსეთის ხალხის განადგურება.
"რუსეთთან სტრატეგიული პარტნიორობა არავის მისცემს საშუალებას საკითხების ძალისმიერ გადაჭრაზე იფიქროს. აქ მშვიდობა იქნება და ამ მშვიდობას ჩვენ ერთად დავიცავთ", - დასძინა მან.